أنا في إنتظارك بيرم التونسى

انا فى انتظارك خليت نارى فى ضلوعى وحطيت

ايدى على خدى وعديت

بالثانيه غيابك ولا جيت

ياريتنى عمرى ماحبيت

عايز اعرف لا تكون غضبان

او شاغل قلبك انسان

خليتنى من يأسى اقول الغيبه دى تغيب على طول

واتفكر ايه اللى جنيت من ذنبى يسيئك مالاقيت

ياريت ... ياريت

اتقلب على جمر النار ... واتشرد ويا الافكار

النسمه احسبها خطاك والهمسه احسبها لقاك

على كده اصبحت وامسيت

وشافونى وقالوا اتجنيت

ياريتنى عمرى ماحبيت

تواعدنى بسنين وايام وتجيبنى بحجج وكلام

وتسلم وتمر قوام او تخلف وتقول لى نسيت

ياريتنى عمرى ماحبيت